Na xornada do domingo chegou o momento para os cadetes e os xúnior, e continuou a colleita de medallas para os deportistas galegos. En total foron 3 para os cadetes e 5 para os xúniors.

Na categoría cadete, Miguel Orro (-37, Natural Sada) logrou a medalla de bronce nun peso moi complexo con 31 participantes. Ademais, Ainoa Boubeta (+59, Patiño) e Pilar Rodríguez (Natural, -55) foron bronces.

En xúnior, Xián Silva, do Mace Sport, logrou a medalla de prata despois dunha final moi complicada contra un azerbaino de 1,90. O pontevedrés fixo un gran campionato. Rut Tilve (-44, As Sport) logrou a medalla de bronce, igual que Miriam García (Patiño), Sabela López (+67, Patiño), Miguel Cobas (Natural Sport, -51).

Tamén hai que destacar a medalla de bronce do cadete Gabriel Tembrás na modalidade de técnica, que leva unha semana espectacular, xa que hai uns días acadou o título de campión de Europa na modalidade Freestyle.

Son resultados provisionais.

Espectacular. Nun Open de España cun nivel altísimo, Katia Calvar parecía a máis veterana e competíu cunha tranquilidade increíble e ante as mellores deportistas do mundo. Así, logrou a medalla de ouro no Open de España, de clase A.

A deportista do Natural Sport Riveira Lara Ouviña (-62 quilogramos) acadou a medalla de bronce no Open de España, que se está a celebrar hoxe en La Nucia (Alacante). E non tivo un percorrido sinxelo a galega: No primeiro combate enfrontouse a Michaela Pinkavova (Bran Bretaña) e logrou un triunfo amplo (7-2) que lle deu confianza cara ao segundo choque no que tivo que loitar contra Leyre de Haro (Valencia). Sin problemas para Lara que domiñou de principio a fin (7-0). Na terceira ronda a cousa complicouse e moito, xa que enfronte tiña a Diana Vázquez, do Car de Barcelona, e Ouviña loitou coma una guerreira para terminar logrando o triunfo no punto de ouro (7-6). E así concretou a súa medalla de bronce. Na loita por meterse na final non tivo sorte. A semifinal foi contra Marta Calvo (Madrid) e caeu pola mínima (2-1), pero suficiente para cortar o seu percorrido para a final.

A final galega de taekwondo escolar celebrouse hoxe en Ourense.

Yidam e Tao lograron a súa clasificación para o Campionato de España de Exhibición na categoría cadete tras lograr o primeiro e segundo posto, respectivamente, na final galega de taekwondo escolar de exhibición cadete que se celebrou hoxe en Ourense (Pavillón dos Remedios). Tamén tivo lugar a final de técnica, coa participación de 351 deportistas.