Sponsors Federacion Galega de Taekwondo

Log in
A+ A A-

Federación Galega de Taekwondo

Julián Feijoó, eliminado na primeira rolda do Europeo Cadete

Julián Feijoó (-33 quilogramos, Couto) caeu na primeira rolda do Campionato de Europa cadete, que comezou hoxe en Marina D'Or.
 
 
O deportista do Couto enfrontouse a Ucraína, un rival forte e dinámico, que controlaba moi ben as técnicas de xiro, e coas que sorprendeu no primeiro asalto ao galego. No segundo asalto, a presión e a ansiedade atenazou a Julián e o combate escapouse a favor de Maksym Manenkov, que finalmente foi prata neste peso.
 
De todas formas, o galego estaba satisfeito por esta primeira experiencia nun Europeo, que, sen dúbida, lle servirá para sumar experiencia cara a próximos compromisos.
 
Moito ánimo Julián!
 
  • Publicado en Novas

Seminario de Hapkido

ORGANIZA O CLUBE SAM MU DOJANG. MÁIS INFORMACIÓN CONTACTANDO CO ORGANIZADOR. 

  • Publicado en Novas

Campionato de Europa de Clubs - Marina D'Or

Dende hoxe 29 de novembro e ata o 9 de decembro Marina D'Or será na sede do taekwondo europeo, coa celebración do Campionato de Europa Cadete de Combate e os Campionatos de Europa de Clubs nas diferentes categorías (dende precadetes a máster) e tanto en combate coma en técnica. Nestes eventos haberá unha importante presenza de clubs e deportistas galegos que volverán amosar a boa saúde do taekwondo galego.

No seguinte enlace tedes a páxina web cos resultados e sorteos: Resultados

Enlaces vídeos streaming: Vídeos

 

  • Publicado en Novas

CINCO GALEGOS PARTICIPARÁN NO EUROPEO CADETE DE MARINA D’OR

Cinco galegos (Julián Feijoó, Eduardo Rejo, Irene Montemuiño, Ainoha García e Cloe Iglesias) participarán no Europeo Cadete que se disputará do 29 de novembro ao 2 de decembro en Marina D´Or (Castellón). A nosa selección irá acompañada polo técnico galego Dani Torrado, que debuta como técnico da Federación Española de Taekwondo.

Julián Feijoó (-33 quilogramos, Couto) será o primeiro dos galegos en competir no Europeo Cadete. Hoxe realiza a pesada e  mañá 29 de novembro será o momento de saír ao tapiz. Julián logrou a clasificación para o Campionato de Europa, na Copa President de Atenas, onde acadou unha medalla de bronce.

 O día 1 de decembro será a quenda de Irene Montemuíño (-51 quilogramos, Natural Sport Riveira) e Ainoha García (-55 quilogramos, Couto). Ainoha participou o pasado ano no Europeo de Budapest, onde quedou eliminada nos cuartos de final.

 E por último, Eduardo Rejo (-61 quilogramos, Mace Sport) e Cloe Iglesias (-59 quilogramos, Patiño Moaña) competirán o día 2 de decembro

 Este Europeo conta cunha inscrición de 740 deportistas de 40 países europeos, logrando case dobrar a participación do pasado ano no Europeo de Budapest.

  • Publicado en Novas

Eleccións 2018 - Lista provisional candidatos presidencia e C.D.

ELECCIÓNS 2018

RELACIÓN PROVISIONAL CANDIDATOS Á PRESIDENCIA E COMISIÓN DELEGADA DA FGT

 

 

CANDIDATURAS Á PRESIDENCIA:

 

1.- JUAN CARLOS EIRIZ LOPEZ

 

CANDIDATOS A MEMBROS DA COMISIÓN DELEGADA:

 

1.- CLUBE PATIÑO – ESTAMENTO DE CLUBES

2.- CLUBE NEKA – ESTAMENTO DE CLUBES

3.- CLUBE TKDENODO – ESTAMENTO DE CLUBES

4.- JOSÉ U. LOREN RODRIGUEZ – ESTAMENTO DE TECNICOS

5.- NOELIA GÓMEZ FABELLO – ESTAMENTO DE ÁRBITROS

6.- OSCAR A. REY VILLAR – ESTAMENTO DE DEPORTISTAS

7.- LAURA LORENZO AMOEDO – ESTAMENTO DE DEPORTISTAS

 

 VER ORIXINAL EN ENLACE ELECCIONS - CONVOCATORIA 

A CORUÑA, 24/11/2018.

 

 

 

 

 

 

ASDO. JOSE ANGEL SEGUIN CID

PRESIDENTE XUNTA ELECTORAL

  • Publicado en Novas

O Torneo Vila de Moaña reunirá a máis de mil taekwondistas esta fin de semana

Esta fin de semana (24 e 25 de novembro) celébrase o Torneo Vila de Moaña (RG3, por vez primeira), no que participarán máis de mil taekwondistas  pertencentes a 47 clubs, ademais de 75 árbitros e 145 técnicos. En total, o Open acollerá a 1.309 persoas, sen contar toda a xente de organización.

O evento disputarase os días 24 e 25 de novembro no pavillón de Reibón, onde se instalarán 7 tapices para acoller a competición. A xornada do sábado estará adicada á modalidade de combate con 448 participantes pertencentes a 41 clubs, 39 árbitros e 55 técnicos. De 9 a 13:30 horas competirán os participantes das categorías precadete, infantil, absoluto e máster, mentres que os cadetes e júnior farano a partir das 14:40 horas (ata ás 21:30). O domingo (a partir das 09:00 horas) será a quenda para os participantes de técnica infantil e adulto, freestyle e exhibición. Na modalidade de técnica participan 220 deportistas de 19 clubs, 39 árbitros e 55 adestradores; mentres que en freestyle haberá 61 taekwondistas (7 clubs) e en exhibición, 90 participantes pertencentes a 5 clubs.

 Este torneo é organizado polo club Hebe, en colaboración coa Federación Galega de Taekwondo e o Concello de Moaña. O torneo, que estrea a categoría RG3 (a máxima), está incluído no circuíto de torneos ranqueables organizado pola Federación Galega de Taekwondo.

 O ranking galego é un sistema de baremación obxectivo baseado na suma de puntos naqueles torneos que forman parte do circuíto. Deste xeito, ao final do cómputo, o deportista que máis puntos obteña no seu peso será o que compita no Campionato de España.

 O custe da entrada no Vila de Moaña é de 3 euros por media xornada e de 5 polo día enteiro.

  • Publicado en Novas

Gala do Deporte da Universidade de Vigo

Ayer se celebró la gala del deporte de la Universidad de Vigo, encabezada por el Alcalde y el Rector de la Uvigo.
 
En ella se rindió un homenaje "sorpresa" (ya que él no sabía nada) a Salvador Fontán - "Salva" ( seleccionador de la universidad), donde se le concedió un reconocimiento como el técnico deportivo de la universidad más laureado y poniéndolo como ejemplo de constancia y éxito deportivo en el panorama del deporte universitario, ya que dentro de la Universidad de Vigo, el Taekwondo es la disciplina deportiva que más títulos a nivel nacional e internacional ha conseguido, y siempre con Salva de técnico.
 
De manos de Daniel Benavides (coordinador del deporte escolar provincial) se le entregó la estrella al mérito deportivo de la Universidad de Vigo.
Deportistas de varias generaciones subieron por sorpresa al escenario para apoyarle en tan distinguido homenaje.
 
Además a titulo personal se le concedió un pequeño homenaje a los medallistas del último cto de España universitario: Iván, Miriam y Celia.
 

 

  • Publicado en Novas

Un ouro e sete bronces galegos, no Open de París

Esta fin de semana celebrouse o Open de París (categoría G-2) coa participación de numerosos deportistas galegos e a consecución dun ouro (Iván García) e sete bronces (Alma Pérez, Giovanni Imparato, Elena Pérez, Daniel Corrales, Pablo Patiño, Unai Silva e Sara Gacio) para Galicia.

Na categoría sénior hai dúas medallas. Así, hai que destacar o ouro de Iván García (Mat's) en -87 quilogramos. O galego venceu en primeira rolda ao holandés Bryan Zonderop de forma clara (16-7) e na segunda tivo como rival o tunecino Yassine Trabelski (cabeza de serie número 2), ao que superou nun combate duro e espectacular (9-6). Na semifinal gañou a Manuel Villén (deportista do CAR de Murcia) por 3-16 e chegou así a final contra o campión do mundo Alexander Bachmann (Alemaña). A final non se celebrou xa que o alemán non se presentou por un problema físico, o que nos deixou sen poder ver o que se presumía como un gran combate. Ouro para Iván!

Ademais, Alma Pérez (-53, Suh Sport) competiu nesta competición na categoría sénior cos seus 16 anos e colocouse nas semifinais tras vencer en tres combates. En primeira rolda gañou a Uxía Ogea (Mace Sport); en segunda á deportista de Israel, Abishag Semberg (11-1) e nos cuartos de final, á canadiense Ruxandra Rodgers (5-12). En semifinais esperaba a italiana Erika Nicoli (campioa de Europa júnior en 2011) e Alma plantou cara ata o final (18-11), pero non puido meterse na final. Enorme bronce para Alma, que non deixa de sorprendernos!

Categoría júnior. O resto das medallas de bronce pertencen á categoría júnior.  Giovanni Imparato (-51, Mace Sport) logrou subir ao podio tras gañar dous combates (India e Francia) e perdeu na semifinal contra Hayate Suzuki (Xapón) nun apertado combate (13-11).

Elena Pérez (-46, Natural Sport) venceu a Jil Grebe (Alemaña) por 15-16 e a Inés Ihamouine (Francia) de forma rotunda (28-0). Na semifinal caeu contra Adriana Cerezo, que logrou o ouro.

Sara Gacio (-55, Boudsport) logrou subirse ao podio tras vencer en tres combates. Primeiro gañou á francesa Alexia Amón nunha axustada loita (4-5); despois superou á alemá Franziska Drucklieb (17-13) e nos cuartos de final eliminou á francesa Aya Gouzmir (13-4). So foi superada pola costarricense Lindo na semifinal.

Pablo Patiño (-63, Patiño Moaña) superou en primeira rolda a Valeri Tavadyan (USA) de forma clara (29-11) e despois ao francés Faïz Boudjemia (3-34). Na semifinal o rival foi o español Héctor Canabal e o galego volveu a ser moi superior (4-20). Ata que no camiño se cruzou o kazajo Bekzhan Nusnalim, que se lle atragantou a Pablo (10-26). Bronce.

En -73 quilogramos, Unai Silva (Mace Sport) logrou o bronce tras superar ao italiano Giuseppe Guarna (26-30), pero na semifinal non puido co marroquí Boatris, quen logrou o título o Open de París.

Dani Corrales (+78, Patiño) foi bronce, tras perder na semifinal contra o español Andreu Pérez Campos (13-30), que logrou proclamarse campión deste peso.

  • Publicado en Novas

Open de Moaña-Hebe, Inscrición, Sorteo e avisos

OPEN DE MOAÑA HEBE

24-25 / NOVEMBRO / 2018 

--

NESTE APARTADO MOSTRARASE INFORMACIÓN RELEVANTE REMITIDA POLA ORGANIZACIÓN (HORARIOS, AVISOS, ...)

--

OS SORTEOS ALOXARANSE NOS ENLACES QUE FIGURAN A CONTINUACIÓN:

 

VER INSCRICIÓN: https://www.dropbox.com/sh/t7zpir78z5vy7kz/AABttpLVAOge1Gbw3cvNi9Nua?dl=0 

 

ENLACE SORTEO TECNICA: https://www.dropbox.com/sh/yorgwtebefz731v/AABqTljShch5Co-aWFKZd4DMa?dl=0 

 

CALQUERA CONSULTA, PREGAMOS SEXA DIRIXIDA DIRECTAMENTE Á ORGANIZACIÓN. 

  • Publicado en Novas

Samuel Meilán repite podio no Mundial ao lograr o bronce en sénior 2

Samuel Meilán (Tao) converteuse no gran protagonista do taekwondo galego e español no Mundial de Técnica e Freestyle de Taipei. O vigués sae de Taiwán con dúas medallas de bronce no seu poder. Despois do metal acadado en parellas o sábado, hoxe logrou tamén subirse ao terceiro chanzo do podio na proba individual de sénior 2. E iso que a final estivo moi preto, xa que Filipinas venceu a Samuel por só 2 centísimas na semifinal.

 

Samuel chegaba a esta proba canso, despois das trece horas no pavillón do día anterior (no que acadara a medalla de bronce xunto a Nerea Alamancos en parellas 2), e algunhas molestias musculares, pero buscaba o dobrete e este chegou.

 

O vigués librou en primeiro rolda e na segunda eliminou a Italia, “costoume un pouco porque tiña o corpo entumecido, pero gañei”, explicou. Nos cuartos de final, o rival era Estados Unidos, e novamente, Meilán foi o vencedor do duelo, xa atopándose mellor. Na semifinal enfrontouse a Ernesto Guzmán (Filipinas), campión do mundo 2016, e todo se decidiu por só dúas centésimas e, desgraciadamente, en contra do noso deportista. Pero o galego, actual campión de Europa en sénior 2, estaba moi satisfeito tanto pola súa actuación coma polos resultados, xa que regresa a casa con dúas medallas.

 

Resto dos galegos. Ademais, houbo máis participación galega na última xornada do Mundial de Técnica e Freestyle de China-Taipei. O mellor posto foi para Gabriel Tembrás (Moodukwan) en parella júnior; quen logrou a quinta posición, ao caer nos cuartos de final contra Korea.

 

 En freestyle individual -17, Celia García (Tao) logrou clasificarse para a final, onde finalmente rematou na sexta posición. Gran actuación.

 

O quinteto formado por Samuel Alves, Alejandro Losada, Manuel Rodríguez, Alicia Pérez e Laura Vázquez (Tao) acadou a oitava posición, mentres que a parella do Hebe (con Manu Paz e Bárbara Di-Martino). foi décima. Por último sinalar, que Alejandro Fernández (Escola Lucense) en cadete individual non puido clasificarse para a final, ao caer  na eliminatoria clasificatoria.

 

  • Publicado en Novas
Suscribirse a este canal RSS