Sponsors Federacion Galega de Taekwondo

Log in
A+ A A-
Comunicación Fegatae

Comunicación Fegatae

RESULTADOS CAMPIONATO GALEGO ABSOLUTO DE COMBATE - NOIA

Hoxe 22 de decembro celebrouse en Noia o Campionato Galego Absoluto de Combate, coa participación de preto de cen deportistas e 25 clubs de toda Galicia. Na clasificación de clubs logrou o título de campión galego o Natural Sport Riveira tanto na categoría masculina, como feminina e na xeral.

No documento adxunto tedes as clasificacións.

Case cen participantes no Campionato Galego de Combate que se celebrará o 22 de decembro en Noia

Case cen deportistas están inscritos no Campionato Galego Absoluto de Combate que se celebrará o sábado 22 de decembro en Noia (Pavillón Municipal Agustín Mourís). Este torneo é clasificatorio, xunto ao Circuíto Galego, para o Campionato de España.

 COMEZO DA COMPETICIÓN ÁS 09.00H.

En total no Campionato Galego Absoluto competirán 25 clubs galegos, 96 deportistas (45 mulleres e 51 homes), 25 árbitros e uns  50 adestradores. A actividade comezará ás 09:00 horas e finalizará a última hora da mañá (a entrega de medallas está prevista a partir das 12:00 horas).

 

Entre os inscritos e inscritas hai xente moi nova e cunha gran traxectoria por diante e tamén taekwondistas veteráns cun gran curriculum, o que garantiza gran espectáculo deportivo. Así podemos destacar a nomes coma Katya Calvar, Lúa Piñeiro, Laura Lorenzo, José Fernández, Fernando Rascado ou Pablo Fernández Eiras, entre outros, fronte a mozos moi novos xa con experiencia internacional, coma Arlet Ortiz, Javier González, Adrián Pombo, Tania Castiñeira, Sara Cortegoso ou Alma Pérez.

 

Preto de 650 deportistas participarán o 16 de decembro na Copa Xunta de Técnica que se celebra en Vigo

O pavillón municipal das Travesas en Vigo acollerá o domingo 16 de decembro a Copa Xunta de Galicia de técnica, na que participarán 638 deportistas e 33 árbitros. Ademais neste campionato realizarase unha homenaxe ás e aos taekwondistas  galegos, que participaron no Mundial de Taipei en novembro.

 

 A Copa Xunta de Galicia é un torneo de técnica (infantil e adultos) que ten como obxectivo prioritario a promoción deste deporte, aínda que dende hai tres anos inclúe a categoría competitiva, que outorgará puntos para o ránking galego de técnica.

 

 Neste torneo participan aqueles deportistas que acadaron a clasificación nas fases provinciais que se celebraron os días 27 e 28 de outubro, coa participación de 1.000 rapaces e rapazas. Hai que recordar que 1/3 dos participantes da categoría amateur acadaron a participación para a Copa Xunta, mentres que na competitiva os clasificados foron a metade dos participantes.

 

 Na categoría non competitiva hai inscritos 457 deportistas. Ademais, na modalidade competitiva -na que estarán en xogo puntos para o ránking galego de técnica- hai inscritos 181 taekwondistas. As competición celebrarase en horario de mañá e tarde (de 10 a 14:00 horas e de 16:00 a 20:00 horas).

 

Entrada de balde

RESULTADOS CAMPIONATO DE ESPAÑA DE CLUBS TÉCNICA E FREESTYLE

Esta fin de semana tamén se celebrou en Oropesa do Mar o Campionato de España de Clubs de Técnica e Freestyle e, novamente, con espectaculares resultados para o taekwondo galego.

Houbo unha choiva de medallas galegas nas diferentes categorías (ver os resultados no enlace) e grazas a iso tamén houbo premios na clasificación por equipos.

Así, na clasificación de clubs do Campionato de España de Adultos de Técnica e Freestyle proclamouse vencedor o Yidam CEIP Balaídos, con treinta puntos.

Na clasificación de clubs do Campionato de España Infantil de Técnica e Freestyle o vencedor foi o Han's Horang-I (con 38 puntos) e co Natural Sport Sada na segunda posición (20 puntos).

No enlace tedes todos os resultados.

Resultados

Suscribirse a este canal RSS