Sponsors Federacion Galega de Taekwondo

Log in
A+ A A-

Sete medallas garantidas no Mundial Praia na modalidade de freestyle

Hoxe celebrouse a fase clasificatoria para a final do Mundial Praia de Freestyle, que se está a disputar estes días en Rodas (Grecia) do 25 ao 28 de abril. Despois desta fase xa temos sete medallas garantidas, o que falta por saber é a cor de cada unha delas. En principio, está previsto que a final de freestyle teña lugar mañá.

 

Desta forma, Manu Paz (Hebe) logrou o pase para a final individual -17 anos coa segunda mellor cualificación, mentres que Adrián Alonso (Yidam) e Eirim Vaamonde (Yidam) acadaron o pase para a final en +18 masculino e feminino, respectivamente.

 

En parellas, as tres parellas que presentaba Galicia (Sandra Gardini-Adrián Alonso; Eirim Vaamonde-Aitor Priego e Alex Losada-Elena Varela) estarán na final, xunto a outra parella española.

 

E por último, o quinteto (Eirim Vaamonde, Aitor Priego, Miguel Barreiro, Sandra Gardini e Adrián Alonso) tamén ten segura a medalla de prata, ante a renuncia de Italia.

 

Comunicación Fegatae

Email Este enderezo de correo está a ser protexido dos robots de correo lixo. Precisa activar o JavaScript para velo.